Google ADS

Koreja kërcënon se mund ta fundosë aeroplanmbajtësen amerikane

22:12 | 23 Prill 2017
Trina Galanxhi

Koreja Veriore është kërcënuar se do ta fundosë aeroplanmbajtësen amerikan, që po merr pjesë në ushtrime të përbashkëta me dy anije luftarake japoneze në oqeanin Paqësor Perëndimor.

“Forcat tona revolucionare janë luftarakisht të gatshme për ta fundosur aeroplanmbajtësen atomik amerikan me një sulm të vetëm”, ka shkruar gazeta, Rodong Sinmun, në komentin e saj të sotëm.

Kjo gazetë, praktikisht, është zëdhënëse e Partisë së Punëtorëve, që sundon në Korenë Veriore.

Kjo gazetë e krahasoi anijen amerikane me një “shtazë të madhe” dhe tha se sulmi kundër saj do të ishte “shembull aktual për ta treguar forcën tonë ushtarake”.

Presidenti amerikan, Donald Trump, ka urdhëruar që luftanija, USS Carl Vinson, të lundrojë në ujërat afër Gadishullit Korean, në përgjigje të tensionit të shtuar me Korenë Veriore, për shkak të programit raketor dhe testet atomike të këtij vendi.

Shpërndaje në rrjete sociale

Lajmet më të lexuara

Të ngjashme

Foto lajm